آئی.آئی.ٹی مدراس نے ڈیجیٹل تعلیمی پلیٹ فارم سویم پلس کے ذریعے اپنی نئی تعلیمی پہل ‘سب کے لیے مصنوعی ذہانت’ کے تحت چھ مفت کورسز شروع کر دیے ہیں، جو مکمل طور پر ہندی میں دستیاب ہیں۔ اس پہل کا مقصد زبان کی رکاوٹیں دور کرنا اور مصنوعی ذہانت کی تعلیم ہر کسی کے لیے قابل رسائی بنانا ہے۔

ماہرین کے مطابق، ان کورسز کے لیے کسی بھی قسم کی پروگرامنگ یا پہلے سے تکنیکی علم کی ضرورت نہیں ہے۔ صرف بنیادی ڈیجیٹل مہارت اور سیکھنے کا جذبہ کافی ہے۔

دستیاب کورسز

اساتذہ کے لیے مصنوعی ذہانت: کلاس روم اور تعلیمی عمل میں مصنوعی ذہانت کے استعمال پر مرکوز۔

طبیعیات میں مصنوعی ذہانت: طبیعیات میں مصنوعی ذہانت کے عملی اطلاقات۔

کیمسٹری میں مصنوعی ذہانت: کیمسٹری میں مشین لرننگ کا استعمال۔

مالیات اور حساب داری میں مصنوعی ذہانت: مالیاتی عمل میں خودکاری کے لیے مصنوعی ذہانت۔

کرکٹ کے اعداد و شمار میں مصنوعی ذہانت: کھیل کے تجزیے اور ڈیٹا میں مصنوعی ذہانت کا استعمال۔

پائتھون کے ذریعے مشین لرننگ: پائتھون کے ذریعے مصنوعی ذہانت اور مشین لرننگ کی بنیادی باتیں۔

ہر کورس میں ویڈیو لیکچرز، حقیقی ڈیٹا، کیس اسٹڈیز اور عملی مشق شامل ہیں، جس سے نہ صرف سیکھنے میں مدد ملتی ہے بلکہ عملی مہارتیں بھی بڑھتی ہیں۔

اہم معلومات

کسی سابقہ علم کی ضرورت نہیں۔

مطالعہ کا وقت تقریباً 25–45 گھنٹے ہے۔

مفت کورس کے ساتھ سرٹیفکیٹ کے لیے آن لائن امتحان دیا جا سکتا ہے (سرٹیفکیٹ کی فیس الگ ہے)۔

دلچسپی رکھنے والے امیدوار سویم پلس کی ویب سائٹ پر جا کر رجسٹریشن کر سکتے ہیں۔ ماہرین کے مطابق یہ پہل زبان کی رکاوٹیں دور کرکے تعلیم میں شمولیت بڑھانے والا اہم اقدام ہے۔رجسٹریشن کی آخری تاریخ: 26 جنوری 2026 ہے