پٹنہ(نازلی صدیق/انصاف ٹائمس) کٹیہار میں 16 سال کی نا بالغ لڑکی ماہ نور کا قتل کردیا گیا تھا اور فیملی نے کہا کہ ریپ کر کے قتل کردیا گیا ہے- واضح ہو کہ لڑکی کی لاش گاؤں کے ہی ایک پڑوسی کے گھر سے ملا تھا جب کہ لڑکی دو دنوں سے غائب تھی یہ معاملہ کٹیہار کے اعظم نگر میں واقع ہوااس معاملے کو لیکر بہار سے لیکر دلّی تک تحریک کی آگ تیز ہے تو وہیں انتظامیہ نے جو کہ مجرموں پر اب تک کوئی مناسب کارروائی نہیں کر سکی ہے اس نے مظاہرین میں سے ہی 53 لوگوں پر اعظم نگر تھانے میں 147، 148،149، 341، 342، 323، 332، 333، 352، 353، 307، 427 ،188 دفعات کے تحت دنگا بھڑکانے، اور قتل کی کوشش جیسے سنگین الزامات کے تحت مقدمہ درج کر لیا ہے- جس میں انتظامیہ نے انڈین نیشنل کانگریس کے قومی سیکریٹری توقیر عالم کا نام بھی شامل کیا ہے کیونکہ وہ ماہ نور کیلئے انصاف کی لڑائی میں بہار سے دلّی تک قیادت کرتے نظر آرہے ہیں