سوشیل ڈیموکریٹک پارٹی آف انڈیا کے قومی نائب صدر محمد شفیع نے بہار میں حالیہ سیاسی اقدامات کی شدید مذمت کی ہے۔ محمد شفیع نے کہا کہ وزیراعلیٰ نتیش کمار کی راجیہ سبھا کی رکنیت لینا اس بات کا واضح اشارہ ہے کہ ریاست میں بی جے پی کے لیے وزیراعلیٰ کا راستہ ہموار کیا جا رہا ہے۔
محمد شفیع نے اسے بہار کی عوام کے دیے گئے مینڈیٹ کے ساتھ سنگین خیانت قرار دیتے ہوئے کہا، “عوام نے نتیش کمار کی قیادت پر اعتماد ظاہر کیا تھا، نہ کہ انتخاب کے بعد انہیں کنارے کرنے والی سیاسی چال کے حق میں۔”
انہوں نے کہا کہ یہ ایک تشویشناک رجحان ہے، جس میں علاقائی اتحادیوں کو صرف انتخابی فائدے کے لیے استعمال کیا جاتا ہے اور مقصد پورا ہوتے ہی الگ کر دیا جاتا ہے۔ شفی نے زور دیا کہ ایسے سیاسی اقدامات جمہوری اقدار اور وفاقی روح کو کمزور کرتے ہیں۔
سوشل ڈیموکریٹک پارٹی آف انڈیا کا موقف ہے کہ بہار کی عوام ایسے حکومتی نظام کی مستحق ہے جو ان کے مینڈیٹ کا احترام کرے اور ریاست کی عزت و خودمختاری کی حفاظت کرے۔
سیاست کے تجزیہ کار اسے ریاست میں طاقت کے توازن اور مستقبل کی سیاسی سمت پر اثر انداز ہونے والا اہم موڑ قرار دے رہے ہیں۔
