اِنصاف ٹائمس ڈیسک
یونین پبلک سروس کمیشن (UPSC) نے آج سول سروسز امتحان 2024 کے حتمی نتائج کا اعلان کر دیا ہے۔ اس سال کل 1009 امیدواروں کا انتخاب انڈین ایڈمنسٹریٹو سروس (IAS)، انڈین فارن سروس (IFS)، انڈین پولیس سروس (IPS) اور دیگر مرکزی خدمات کے لیے کیا گیا ہے۔
شکتی دوبے نے آل انڈیا رینک 1 حاصل کی
اس سال کے امتحان میں شکتی دوبے نے سب سے اوپر مقام حاصل کیا ہے، جب کہ ہرشیتا گویل دوسرے اور ڈونگرے آچت پراگ تیسرے نمبر پر رہے ہیں۔
امتحانی مراحل اور منتخب امیدوار
یو.پی.ایس.سی سول سروسز کا امتحان تین مراحل پر مشتمل ہوتا ہے: پریلمنری (ابتدائی)، مین (تحریری)، اور انٹرویو۔ اس سال 2845 امیدوار انٹرویو مرحلے تک پہنچے، جن میں سے 1009 کا انتخاب ہوا ہے۔
ریزلٹ اور میرٹ لسٹ کیسے دیکھیں
امیدوار UPSC کی سرکاری ویب سائٹ upsc.gov.in پر جا کر حتمی نتیجہ اور میرٹ لسٹ ڈاؤن لوڈ کر سکتے ہیں۔ میرٹ لسٹ میں منتخب امیدواروں کے نام، رول نمبر اور آل انڈیا رینک شامل ہیں۔
ٹاپ 10 رینک ہولڈرز
- شکتی دوبے
- ہرشیتا گویل
- ڈونگرے آچت پراگ
- شاہی مارجی چِراگ
- آکاش گرگ
- کومل پونیا
- آیوشی بنسل
- راج کرشنا جھا
- آدتیہ وکرم اگروال
- مَینک ترپاٹھی
امیدواروں کے لیے اگلا مرحلہ
منتخب امیدواروں کو جلد ہی متعلقہ سروسز میں تقرری کے خطوط اور تربیتی پروگراموں کی معلومات موصول ہوں گی۔ UPSC کے مطابق امیدواروں کے مارکس شیٹ بھی 15 دنوں کے اندر ویب سائٹ پر اپلوڈ کر دی جائیں گی، جو 30 دن تک دستیاب رہیں گی۔