پٹنہ (سیف الرحمٰن/انصاف ٹائمس) کٹیہار کی بیٹی ماہ نور کیلئے انصاف کی مانگ کو لیکر سوشل ڈیموکریٹک پارٹی آف انڈیا بہت متحرک نظر آ رہی ہے جہاں گزشتہ دنوں کٹیہار کے اندر آندولن میں پارٹی کی ضلعی اکائی لگاتار متحرک نظر آئی تو وہیں پٹنہ میں صوبائی صدر شمیم اختر کے ساتھ پٹنہ ٹیم نے ایک جوائنٹ ریلی منعقد کیا تو وہیں نالنده کے بہار شریف میں شمیم اختر کی قیادت میں اور پورنیہ کے اندر بھی احتجاجی ریلی نکالی گئی اس موقع پر صوبائی صدر شمیم اختر نے کہا کہ ماہ نور کے مجرمین سب کے سامنے ہے لیکن بھاجپا اور سنگھ پریوار کے دباؤ میں انتظامیہ اُنہیں بچا رہی ہے شمیم اختر نے کٹیہار کے اعظم نگر میں 53 مظاہرین پر ہوئے مقدمے کی مذمت کرتے ہوئے اسے جلد سے جلد ختم کرنے اور ماہ نور کے مجرموں کو کیفر کردار تک لے جانے کی مانگ کیا ساتھ ہی اعلان کیا کہ اگر انتظامیہ اس مانگ کو نہیں مانتی ہے تو آنے والے دنوں میں ہم صوبائی سطح پر بڑے آندولن کا منصوبہ بنانے پر مجبور ہونگے