اِنصاف ٹائمس ڈیسک
بہار کے سمستی پور ضلع کے موروا بازار میں مہاشیوراتری کے موقع پر دکانیں زبردستی بند کرانے کا معاملہ سامنے آیا ہے۔ الزام ہے کہ دیپانشو سنہا نامی شخص نے چکن کی دکانوں کو زبردستی بند کرانے کی کوشش کی۔ اس واقعے کی ویڈیو سوشل میڈیا پر وائرل ہو رہی ہے، جس سے علاقے میں کشیدگی پیدا ہوگئی ہے۔
*ویڈیو میں دکانداروں پر دباؤ ڈالنے کا منظر
وائرل ویڈیو میں دیکھا جا سکتا ہے کہ دیپانشو سنہا دکانداروں سے کہہ رہے ہیں: "آج کے دن دکان نہیں چلانی ہے،ایک دن کی بات ہے، تعاون کیجیے۔” اس دباؤ کی وجہ سے کئی دکانداروں نے اپنی دکانیں بند کر دیں۔
*سوشل میڈیا پر بحث، انتظامیہ الرٹ
اس واقعے کے بعد سوشل میڈیا پر بحث چھڑ گئی ہے۔ کئی لوگ اسے مذہبی آزادی اور کاروباری حقوق کی خلاف ورزی قرار دے رہے ہیں، جبکہ کچھ اسے روایات کے احترام سے جوڑ رہے ہیں۔
مقامی انتظامیہ نے معاملے کو سنجیدگی سے لیتے ہوئے تحقیقات شروع کر دی ہیں۔ سمستی پور پولیس کا کہنا ہے کہ وہ تمام متعلقہ فریقین سے بات کر رہے ہیں تاکہ مستقبل میں ایسے واقعات کو روکا جا سکے۔