بہار حکومت کے محکمۂ اقلیتی فلاح و بہبود کے زیرِ انتظام حج بھون کوچنگ و رہنمائی کوشنگ، پٹنہ کے تحت ریاست میں اقلیتی کوچنگ اسکیم کو مؤثر انداز میں نافذ کیا جا رہا ہے۔ اس اسکیم کا مقصد اقلیتی طبقے کے طلبہ و طالبات کو مختلف مسابقاتی امتحانات کی تیاری کے لیے معیاری اور مکمل طور پر مفت کوچنگ کی سہولت فراہم کرنا ہے۔
اس اسکیم کے تحت مسلم، سکھ، عیسائی، بدھ، جین اور پارسی برادری سے تعلق رکھنے والے طلبہ کو فائدہ پہنچایا جاتا ہے۔ منتخب طلبہ کو تجربہ کار اساتذہ کے ذریعے کوچنگ فراہم کی جاتی ہے، اس کے ساتھ ساتھ تعلیم سے متعلق ضروری سہولیات بھی دی جاتی ہیں تاکہ وہ مسابقاتی امتحانات میں بہتر کارکردگی کا مظاہرہ کر سکیں۔
اسکیم کے تحت طلبہ کو انٹرنیٹ کی سہولت، آن لائن تعلیمی مواد، گروپ ڈسکشن اور مضمون وار ٹیسٹ سیریز کی سہولت بھی مہیا کرائی جاتی ہے۔ ہر ٹیسٹ کے بعد طلبہ کی کارکردگی کا باقاعدہ تجزیہ کیا جاتا ہے، جس کے ذریعے ان کی کمزوریوں اور خوبیوں پر خصوصی توجہ دی جاتی ہے تاکہ تیاری کو مزید مضبوط بنایا جا سکے۔
محکمۂ اقلیتی فلاح و بہبود کا ماننا ہے کہ یہ اسکیم سماجی اور تعلیمی طور پر پسماندہ طبقات کے طلبہ کو قومی دھارے میں شامل کرنے اور انہیں مساوی مواقع فراہم کرنے کی سمت ایک اہم قدم ہے۔ مسابقاتی امتحانات میں بڑھتی ہوئی مقابلہ آرائی کے دور میں یہ کوچنگ اسکیم معاشی طور پر کمزور طلبہ کے لیے خاص طور پر مددگار ثابت ہو رہی ہے۔
اسکیم سے متعلق مزید معلومات کے لیے خواہش مند طلبہ بہار اسٹیٹ حج کمیٹی کی سرکاری ویب سائٹ
www.biharstatehajcommittee.org
پر موجود کوچنگ سیکشن کا مطالعہ کر سکتے ہیں۔
اس کے علاوہ معلومات اور رہنمائی کے لیے درج ذیل نمبروں پر بھی رابطہ کیا جا سکتا ہے:
9097171909 | 9060338682
