پٹنہ (سیف الرحمٰن/انصاف ٹائمس) ذات پر مبنی شُماری کو لیکر بہار میں سیاست مکمّل طور پر گرم ہے- بہار کے سابق وزیر اعلیٰ و ہندوستانی عوام مورچہ کے سرپرست جیتن رام مانجھی نے آج میڈیا سے بات کرتے ہوئے اعلان کیا کہ ذات پر مبنی مردم شُماری کیلئے 27 مئی کو بہار کے تمام پارٹیوں کی میٹنگ ہوگی واضح ہو کہ اس سلسلے میں گزشتہ دنوں بہار میں اپوزیشن لیڈر و راجد نیتا تیجسوی یادو نے دلّی تک پیدل مارچ کرنے و بڑے آندولن کی شروعات کرنے کی بات کرنے کے بعد وزیر اعلیٰ نتیش کمار سے مل کر کہا تھا کہ بہار اسمبلی سے دو بار تمام پارٹیوں کی حمایت سے قرار داد منظور کرنے کے بعد اور ایک مرتبہ آل پارٹی وفد کے وزیر اعظم سے ملنے کے بعد بھی مرکز کا اس پر کوئی مثبت رد عمل نہیں رہا لہٰذا ایک بار اور کوشش ہو پھر بھی اگر مرکز کی مدد نہ ملے تو بہار میں اپنے پیسے سے ذات پر مبنی شُماری کرائی جائے تو وزیر اعلیٰ نے اُنکی بات سے اتفاق کرتے ہوئے جلد ہی آل پارٹی میٹنگ کرنے کی بات کہی تھی- اِدھر بھاجپا کے سینئر لیڈر و سابق نائب وزیر اعلیٰ سشیل کمار مودی نے کہا ہے کہ ہم ذات پر مبنی مردم شُماری کے خلاف نہیں ہے یہی وجہ ہے کہ اس پر منظور ہوئے قرار داد میں بھی ہم نے حمایت دیا تھا اور وزیر اعظم سے ملنے والے وفد میں بھی ہمارا نمائندہ شامل ہوا تھا