انصاف ٹائمس ڈیسک
بے روزگار نوجوانوں کے لیے خوشخبری ہے۔ بہار میں ایک بار پھر روزگار کے مواقع کھلنے جا رہے ہیں۔ وزیر اعلیٰ نتیش کمار کی ہدایت پر ریاستی حکومت نے تقریباً 49,591 خالی عہدوں کو پُر کرنے کی تیاری تیز کر دی ہے۔ یہ بھرتیاں ریاست کے 10 اہم محکموں میں کی جائیں گی۔
چیف سکریٹری امرت لال مینا کی صدارت میں چیف سیکریٹریٹ کے کانفرنس ہال میں ایک اہم جائزہ اجلاس منعقد ہوا، جس میں متعلقہ محکموں کے نوڈل افسران نے شرکت کی۔ اجلاس میں واضح ہوا کہ ان 10 محکموں میں بڑی تعداد میں آسامیاں خالی ہیں، اور ان کو جلد پُر کرنے کے احکامات دیے گئے ہیں۔
کن کن محکموں میں ہوگی بھرتی؟
ذرائع کے مطابق جن محکموں میں تقرریاں کی جائیں گی، ان میں تعلیم، صحت، محصولات، پنچایتی راج، دیہی ترقی، سماجی بہبود، زراعت، مویشی پروری، داخلہ امور اور صنعت شامل ہو سکتے ہیں۔ ان محکموں میں کافی عرصے سے خالی عہدوں کو پُر کرنے کا مطالبہ کیا جا رہا تھا۔
نوجوانوں کو راحت
ریاستی حکومت کے اس فیصلے سے لاکھوں بے روزگار نوجوانوں کو راحت ملنے کی امید ہے، خاص طور پر ان امیدواروں کو جو برسوں سے مسابقتی امتحانات کی تیاری کر رہے ہیں۔
شفاف طریقہ کار پر زور
چیف سکریٹری نے یہ بھی واضح کیا کہ بھرتی کا عمل شفاف اور وقت بند ہوگا۔ تمام محکموں کو ہدایت دی گئی ہے کہ وہ جلد از جلد اپنی خالی آسامیوں کی تازہ فہرست فراہم کریں تاکہ عمل کو تیز کیا جا سکے۔
بہار حکومت کا یہ قدم نہ صرف نوجوانوں کو روزگار فراہم کرے گا، بلکہ سرکاری محکموں کی کارکردگی کو بھی بہتر بنائے گا۔ اب دیکھنا یہ ہے کہ تقرریوں کا یہ عمل کتنی تیزی سے مکمل ہوتا ہے اور بے روزگاروں کے خواب کب حقیقت میں بدلتے ہیں