اِنصاف ٹائمس ڈیسک
حکومتِ ہند نے پیدائش سرٹیفکیٹ کو ایک لازمی دستاویز بنانے کا بڑا فیصلہ کیا ہے۔ اس کے تحت 27 اپریل 2026 کی آخری تاریخ مقرر کی گئی ہے، جس کے بعد پیدائش سرٹیفکیٹ کی رجسٹریشن یا تجدید کی اجازت نہیں ہوگی۔ یہ اقدام سرکاری ریکارڈ کو درست اور منظم بنانے کے مقصد سے اٹھایا گیا ہے۔
پیدائش سرٹیفکیٹ کیوں لازمی کیا جا رہا ہے؟
نئے حکومتی قواعد کے مطابق پیدائش سرٹیفکیٹ تمام سرکاری خدمات اور اسکیموں کے لیے لازمی ہوگا۔ اس کے بغیر شہریوں کو کئی اہم خدمات کے حصول میں مشکلات پیش آ سکتی ہیں۔ پیدائش سرٹیفکیٹ کی ضرورت ملازمت، تعلیم، پاسپورٹ، آدھار کارڈ، راشن کارڈ، پنشن، جائیداد کی رجسٹریشن اور دیگر سرکاری اسکیموں میں اہم کردار ادا کرے گی۔
*اگر 27 اپریل 2026 کے بعد رجسٹریشن نہ ہوا تو کیا ہوگا؟
-نیا پیدائش سرٹیفکیٹ جاری نہیں کیا جائے گا۔
-پہلے سے موجود سرٹیفکیٹ میں کسی بھی قسم کی تبدیلی ممکن نہیں ہوگی۔
-بغیر پیدائش سرٹیفکیٹ کے سرکاری اسکیموں اور خدمات سے فائدہ اٹھانا مشکل ہوگا۔
-بینک اکاؤنٹ کھلوانے، ڈرائیونگ لائسنس بنانے، اسکول اور کالج میں داخلے اور دیگر قانونی امور میں رکاوٹیں پیدا ہو سکتی ہیں۔
*مقررہ وقت پر رجسٹریشن کرائیں، ورنہ پریشانی ہوگی
حکومت نے شہریوں سے اپیل کی ہے کہ وہ جلد از جلد اپنے پیدائش سرٹیفکیٹ کی رجسٹریشن اور تجدید مکمل کر لیں تاکہ مستقبل میں کسی بھی قسم کی پریشانی سے بچا جا سکے۔ لوگ اپنے قریبی میونسپل کارپوریشن، پنچایت دفتر، تحصیل یا سرکاری آن لائن پورٹل کے ذریعے درخواست دے سکتے ہیں۔
*درخواست کیسے دیں؟
1.آن لائن درخواست: کئی ریاستوں میں پیدائش سرٹیفکیٹ کے لیے آن لائن درخواست کی سہولت دستیاب ہے۔
2.میونسپل کارپوریشن / پنچایت دفتر: پیدائش کی جگہ کے مطابق متعلقہ دفتر جا کر درخواست دیں۔
3.ضروری دستاویزات: شناختی ثبوت (آدھار کارڈ، راشن کارڈ)، پیدائش کا ثبوت، والدین کی تفصیلات، اسپتال کا ریکارڈ وغیرہ۔
*حکومت کا مقصد
حکومت کا ماننا ہے کہ اس اقدام سے شہریوں کی شناخت اور پیدائش کی درست معلومات کو یقینی بنایا جا سکے گا۔ اس کے علاوہ جعلی دستاویزات پر روک لگے گی اور سرکاری اسکیموں میں شفافیت آئے گی۔
*اہم ہدایات
-27 اپریل 2026 کے بعد کوئی نیا پیدائش سرٹیفکیٹ جاری نہیں ہوگا۔
-پرانے سرٹیفکیٹ میں کسی بھی قسم کی تبدیلی یا ترمیم ممکن نہیں ہوگی۔
-یہ دستاویز تمام سرکاری اسکیموں اور خدمات کے لیے لازمی ہوگا۔
لہٰذا تمام شہریوں کو چاہئے کہ وہ جلد از جلد اپنا پیدائش سرٹیفکیٹ حاصل کریں اور اس اہم عمل میں تاخیر نہ کریں۔