اِنصاف ٹائمس ڈیسک
وزیر اعلیٰ نتیش کمار نے اپنی پرگتی یاترا کے آخری مرحلے میں پٹنہ ضلع کو 1404 کروڑ روپے سے زیادہ کی ترقیاتی منصوبوں کی سوغات دی۔ اس موقع پر انہوں نے 623 منصوبوں کا افتتاح اور سنگ بنیاد رکھا، جن میں 367 منصوبوں کا افتتاح (جس پر 845 کروڑ روپے لاگت آئی) اور 256 منصوبوں کا سنگ بنیاد (جس پر 559 کروڑ روپے سے زائد خرچ ہوں گے) شامل ہیں۔
*اہم اعلانات اور ترقیاتی منصوبے
-جے پی گنگا پتھ کا توسیع: کوئلوَر کے ویر کنور سنگھ پل سے مکا مہ راجندر پل تک جے پی گنگا پتھ کے توسیع کی جائے گی، جس سے پٹنہ میں ٹریفک کے مسائل کم ہوں گے۔
-گرین فیلڈ ایئرپورٹ کی تعمیر: پٹنہ میں ایک نئے گرین فیلڈ ایئرپورٹ کی تعمیر کا اعلان کیا گیا ہے، جس کے لیے وزیر اعلیٰ نے مرکزی حکومت سے درخواست کرنے کی بات کہی ہے۔
-پنچایت سطح پر ترقی: باڑھ پرکھنڈ کی بیڑھنا پنچایت میں پنچایت سرکار بھون، لائبریری، ہیلتھ اینڈ ویلنیس سینٹر اور ٹیلی میڈیسن سینٹر کا افتتاح کیا گیا۔
-جل-جیون-ہریالی ابھیان: اس اسکیم کے تحت دو تالابوں کی تزئین و آرائش مکمل کی گئی اور انہیں جیویکا دیدیوں کے حوالے کیا گیا، جس سے پانی کے تحفظ اور کمیونٹی ڈیولپمنٹ کو فروغ ملے گا۔
*پرگتی یاترا کی مجموعی کامیابیاں
نتیش کمار کی پرگتی یاترا 23 دسمبر 2024 کو مغربی چمپارن سے شروع ہوئی تھی اور پٹنہ میں مکمل ہوئی۔ اس دوران انہوں نے ریاست کے مختلف اضلاع میں 20,000 کروڑ روپے سے زیادہ کی ترقیاتی منصوبوں کا اعلان کیا
اس یاترا کے ذریعے وزیر اعلیٰ نے ریاست کے ہمہ جہتی ترقی کے لیے اپنے عزم کا اعادہ کیا ہے، جس سے بہار میں بنیادی ڈھانچے، صحت، تعلیم اور سیاحت کے شعبے میں بڑی پیش رفت متوقع ہے۔